Nokon er klare til å starte trening raskt etter fødsel, medan andre tenker ikkje på trening i det heile tatt. Barseltida er dei første 6 vekene etter fødsel eller den tida kroppen brukar på å tilpasse seg ein ikkje gravid tilstand. I det engelske språk kallar ein dette matrecence. Ordet beskriv den biologiske, psykologiske, fysiske, sosiale, politiske og åndelege forandringa som skjer i ei kvinne når ho blir mamma.  I denne perioden skjer det store endringar i mor sin kropp og ein skal bli kjend med den nye babyen. Liggetida på barselavdelinga ligg no mellom 1 til 3 døgn etter fødsel. Det er vanleg med både fysiske og emosjonelle plagar i tida etter ein fødsel. Kanskje blei ikkje den første tida heilt slik som du såg føre deg. Mange føler at det er eit sprik mellom instagram versus realiteten. Men hugs at du må finne din måte å gjere dette på, og da treng du ikkje samanlikne deg med andre. You do you, og husk at det mange flinke fagfolk som kan guide deg om du treng veiledning og hjelp.  Mange føler at det ikkje kjem godt nok fram dei plagene ein kan få etter ein fødsel. Smertefulle etterrier , blødningar, utfordringar rundt toalettbesøk, smerter og ubehag i området rundt urin, skjede og endtarmsåpning, forstopping, hevingar i kroppen, jernmangel, utslett, livmorsamantrekning, hormonendringar  med meir er nokon av utfordingane ein kan ha. Det er viktig at ein lyttar til eigen kropp i denne perioden.

Ofte kan ein gløyme seg sjølv litt opp i alt det som skjer i denne perioden. Så her kjem nokre tips.

*Drikk mykje vatn og få i deg god og næringsrik kost.

*Pass på å få nok søvn og kvile.

*Invester i ein god og støttande BH

*Kjøp deg nokre gode joggesko. Skostørrelsen kan endre seg og mange ser at dei må opp 1 størrelse etter endt graviditet.

*Ver ute i frisk luft kvar dag

*Pass på at du har gode kvilestillingar når du skal amme

*Husk å pust.

Det seiast at ein kan gjenoppta fysisk aktivitet rett etter fødsel og at ein gradvis kan begynne med trening. Men, kva er eigentlig trening? Anbefalingane er at du skal vere i aktivitet 150-300 minutt kvar veke, og det er supert om du får lagt inn to styrkeøkter og. Ei matte, ein treningsball og babyen fungerer supert i ei styrkeøkt. Om du synast det er vanskeleg å vite kva du skal gjere kan du ta kontakt med fagpersonar som jobbar med svangerskap og barselutfordringar. Kanskje kan ei  barseltreningsgruppe vere noko for deg. Husk at det tar tid å gjenvinne styrke og funksjon i mage og bekkenbunn. Start i det små og auk aktivitetsnivået gradvis. Ein annan viktig ting som kan vere lurt å tenke over er kor du har kroppstyngda når du står og går. Ein forflyttar ofte vekta bak på helane i ein graviditet og det er lurt å ha fokus på dette når ein skal gjennoppta aktiviteten. Bekkenbunnen har gjort ein kjempejobb i svangerskapet og forlenga seg heile tre gongar. Difor er det viktig at ein har fokus på bekkenbunnsmuskulatur og begynner å trene også denne. Eindel lurar på når tid dei kan ta opp løping etter fødsel, og her anbefalar ein at det skal gå minst 3 mnd etter fødsel før ein startar med løping. Grunnen for det er at bekkenbunnsmuskualturen treng tid til å hele og klargjere seg til nye utfordringar. Fleire opplever og inkontinens etter fødsel. Ta kontakt med nokon som jobbar med dette om det gjeld deg. Med god trening og gode hjelpemiddel kan dette bedrast.

Velg aktivitet og trening som gir deg glede. Når vi trener så frigjerast eit hormon som kallast endorfiner eller lykkehormonet. Endorfin gir ei føling av lykke, ekstase og eufori og dei reduserer smerte. Vi veit og at fysisk aktivitet gir eit overskot i kvardagen og kan ha positiv innverknad på humør og livskvalitet og reduserer stress. Lykke til😊